蔥頭雞

客家人食雞有個習慣，

鐘意將紅蔥頭(乾蔥頭)切片後，

贊滾油(花生油)再加豉油，

用嚟點雞食，

有時屋企用哂薑冇得整薑蓉時，

我都會整呢個蔥頭雞，

雞肉吸收哂乾蔥頭嘅香味，

食落別有一番風味架!

(呢款雞就係我平時係百佳超市買嘅冰鮮雞)

材料: 雞半隻、鹽1.5茶匙

做法: 洗淨雞後，用廚紙抹乾水份，用1.5茶匙鹽搽勻雞身內外，醃半日；

燒熱水，蒸雞20分鐘，待涼斬件；

蔥油料做法:  

乾蔥頭2個(隨個人喜好加減)去衣切片撕開一片片；

用碗盛起豉油1.5湯匙、糖半茶匙和少許麻油；

燒熱油爆香乾蔥後加入豉油汁內攪勻淋上雞面就得。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page