2018年4月14日 星期六

菠蘿雞球


今日天氣有成卅度,

揀錯日子開爐炸嘢添!

但又為食想食甜甜酸酸嘅餸,

所以點熱都係呢一次呀!











材料: 雞扒2塊、菠蘿1罐(小)、洋蔥1/4個、雞蛋1隻、生粉適量

醃料: 鹽1茶匙、糖1茶匙、生粉1茶匙、胡椒粉少許、麻油少許、紹酒少許

調味: 茄汁2湯匙、米醋1湯匙、糖2茶匙、菠蘿汁2湯匙、鹽少許、

水半碗(糖份量可以自行調節)

做法: 雞扒解凍後去皮切件,落醃料醃1小時;菠蘿片切粒;洋蔥切片;

將1碗油放入細鍋內加熱,熱油其間將雞蛋打勻與雞件撈勻,

逐一將雞件薄薄沾上生粉後,靜待1~2分鐘,等生粉盡量黏實雞件,

當油熱後分3次將雞件放入鍋內放入鍋內炸至熟後撈起,放在廚紙上索油;

將油轉中大火,落雞件翻炸一次後,咁雞件會更脆口;

燒熱鑊落少許油先炒洋蔥至轉色後,加入調味煮滾落生粉水埋茨汁熄火,

加菠蘿和雞件快手攪勻便成。


 


大家可以入嚟Facebook讚下我新開嘅Fans專頁呀! 


26 則留言 :

  1. 甜甜啱開胃,呢啲天氣啱食。

    回覆刪除
    回覆
    1. 呢個餸真係好啱口淡淡、冇胃口時食架!

      刪除
  2. 炸得夠乾身,控制爐火工夫到位了。
    煮雞翼竟然有陰暗,咁轉煮雞扒喇!

    回覆刪除
    回覆
    1. 呢個餸係要開爐炸,所以麻煩咗少少,唔可以成日整嚟食呀!

      刪除
  3. 回覆
    1. 我炸嘢都係落好少油,所以分幾次炸唔係問題呀!

      刪除
  4. 其實煮雞翼或雞扒或其他食材, 都係最緊要健康, 你朋友帶起關心你網友的圍攻行為, 還要只截了部份對她有利的留言再去帶領其他人一起攻擊, 這行為實在不要得及極度無恥!

    回覆刪除
    回覆
    1. 所以話個人表達自己意見係冇問題,但千祈唔好人身攻擊,我唔想攪到大家都唔開心呀!

      刪除
  5. <>

    https://hk.news.yahoo.com/%E5%A5%B3%E9%83%8E%E9%81%8E%E5%B1%B1%E8%BB%8A%E8%A2%AB%E9%9D%9E%E7%A6%AE-%E9%81%AD%E7%B6%B2%E4%B8%8A%E6%AC%BA%E5%87%8C%E6%86%A4%E8%B9%88%E6%B5%B7-221120256.html
    女郎過山車被非禮 遭網上欺凌憤蹈海

    回覆刪除
    回覆
    1. 因為簡單一句關心留言, 而不幸引發如果有人黑心腸存心煽動, 再挑起網上集體欺凌, 是會死人的! 善哉善哉!

      刪除
    2. 呢個報導我都有睇,依家網絡上都有好多呢類嘅人,佢哋未知事實嘅全部,就胡亂猜測、批評,將受害者反變成攪事者,對當事人極唔公平;不過講到呢度,希望大家都擁有平常、寬容嘅心,世事豈能盡如人意,但求冇愧我心!

      刪除
    3. 雀后,你千祈唔好因為今次事件,令你以後都唔敢煮雞翼。

      因為只係一個好普通、好普通對你關心的留言,本來係好少事,少到根本唔係什麼,如果換轉那人關心的對象不是你雀后,而是我的話,我一定會好開心到飛起,同會好多謝、好感激他。因為唔相識都可以用善良的心去關心人,是現今世代已經絕種的。最起碼我做唔到。

      嗰日件事,我都有睇到,但我跟住唔係香港,今早一落機再看先知發酵成這大件事。

      只係有一個微不足道的關心人行為,唔知點解有人誤解,跟住有人將人擺上枱去公審,同要標題話人有病?
      那個被公審的人好無辜同埋好無端端成了眾矢之的的罪人。

      這樣對你雀后和那個關心你的網友都是不公平的,相信你倆都會唔開心。唔好為某人的網上欺凌行為而影響到大家的心情。我們更要遣責那些人的欺凌行為,係唔可以縱容。

      她扭曲了別人的說法,已經唔對。

      我感到最傷痛係竟然有人無認清件事的根源,就一窩風去狂插那人,不是罵他有嚴重的精神病,或更是有人罵他寫的傷害感言,可以去出書? 更有人以為自己好惡,話若果那人進去她的blog,她就會大罵他?

      成件事何罪之有呢?

      這些完全都是不理智的行為!

      傷害攻擊的人唔道歉不特止,同要寫到去她的blog去公審? 我已經唔係第一次見她有公審人這行為!

      唔去批評她不代表她的做法就是對。兩次她公審人都是沒有寫明來龍去脈,只係截圖,不全面的公審人行為,連給人自己去思考誰對誰錯都無,這對人公平嗎?

      我唔希望有人因為今次而唔開心到想唔通做錯事去自殺。係唔值得的! 我唔知受害人會唔會再進來看,因為我估他都要股起很大的勇氣才敢進來看。最起碼如果傷害的是我,我就實在無勇氣無力來看了。

      我好單純,真係希望個世界和平。唔好有爭拗!大家開開心心,宜家香港人已經好辛苦,好大壓力,"你有壓力,我有壓力"。點解同要將自己的壓力發洩給其他人呢? 雖然你朋友她住在英國,但唔代表可以誇界來欺凌人的。

      今次唔知會唔會她見到我寫得長篇一點,多字一些,你個朋友又唔likely,會來跟攻擊跟那個網友一樣,來話叫我去出書呢?

      真係諗了好耐,攪到我都唔知好唔好多講野同留言呢! 今次件事,見到大家都唔開心,我個心好唔舒服。唔寫,又屈住屈住鄧個受害人好唔抵。寫,又怕你朋友會用同樣方式,去擺我上枱去公審我...所以個心情都好糾結!

      大家沒有包容心的人,是很難長久做朋友的。

      刪除
    4. 我煮餸好隨心,見到街市有咩靚嘢就會買嚟食,所以唔會怕咗煮雞翼呀!

      刪除
    5. 你呢種就是撩事鬥非的人啦。去完英國卜友就來假支持,你唔喜歡英國卜友便不要再去睇。你可以用千字文來雀后這裏攻擊另一個卜友,居心不良,一點都無單純。你一樣是公審人,有口話人無囗話自己。英國卜友是公開事件,因為佢比人人身攻擊。你又可有包容之心,因為雀后和英國卜友已經沒有再提起事件,你就長篇大論在數人的不是。如果你係支技雀后就息事寧人。對大家都好。
      我查你的網路地址,你是新開來攪事的,雀后應該小心你這種網絡小人!

      刪除
    6. 妳都好得意,我都唔識妳,亦都唔係話妳,妳點解會自己自動對號入座? 此地無銀? (哈哈...)
      而且我幾時去你所講英國仆友假支持? 唔通都有正義朋友話過妳? 我唔似妳好得閒!
      我都無話妳,妳點解會如此怒氣? 唔通妳就係阿邊個?!
      正所謂清者自清,若果妳認為妳無問題的話,就唔會專登去查我什麼網路地址啦! 唔知妳查到D物? 妳總要以小人之心去度人? 又話我係新開戶,妳豈不是也是新開戶? 唔通新開戶係犯法? 又要得妳"教訓"先至係?
      妳來攪事,就係放唔低妳先撩者賤,無人撐妳,妳谷氣! 妳係邊個,妳以為大家唔知咩?
      朋友,係時候放下屠刀啦!唔好週圍去樹敵得罪人啦!妳已經好得人憎啦! 我唔好似妳得閒週圍去燒火頭,好多網友私底下都講緊妳,乜佢地無話俾你知咩?

      刪除
    7. 同有, 都好多謝妳公開話給大家知,原來妳都知入去妳所講的英國仆友的人係假支持...真係嚇親街坊啦!

      刪除
    8. 睇你的態度就知你係邊個啦⋯⋯哈哈⋯⋯又千字文。

      刪除
    9. 有人氣暴超過2星期,這段期間分身了至少5-6個,全部都係今個月新開戶,她不斷自問自答去攻擊人,以為人地唔知? 這種行為,係人都知妳係邊個啦! 俾人踢爆就嬲嬲豬呀!妳自己都識講,有病有去睇醫生啦!妳唔係英國醫院做,睇精神科應該有員工福利免費同優先嗎? 哈哈!

      刪除
    10. 👏🏻👏🏻👏🏻你贏,我不是醫生都知你係儍的,是否唔記得食藥?你繼續自己自篇自導自演啦,正常人係鬥唔過你架😂😂😂

      刪除
  6. 真心喜愛雀后的blog,喜歡真實的你!其實雀后可以考慮下做YouTube!!❤️

    回覆刪除
  7. 作者已經移除這則留言。

    回覆刪除

如果大家覺得我煮嘅餸菜啱哂口味嘅話,不妨留個言,鼓勵下我啦!