英國&意大利畢業之旅~畢業禮

英國&意大利之旅

7月14日，

今日係小魔怪嘅大日子~佢畢業喇!

一早食過早餐，

我哋就出發去畢業禮會場喇!

老公專登係香港買定套新西裝，

哈哈，

係咪著得好型呢???

感動嘅一刻終於到啦!

事後姐姐問我當時有冇喊???

哈哈，

好彩我忍得住，

只係眼濕濕咁啦!

畢業禮後，

有個茶會招待畢業生和家長，

我哋食咗少少嘢坐咗一陣就走囉!

影完畢業相之後，

小魔怪就去搵埋其他同學仔齊大合照!

小魔怪人緣都幾好架，

好多同學仔都搵佢一齊照相，

影咗一輪相後，

我哋返旅館換衫趕下場啦喂!

呢度就係小魔怪讀書1年幾嘅大學，

環境都算清靜，

唔錯喎!

參觀完學校之後，

我哋搭地鐵落紐卡素行街，

食埋個美式晚餐就返旅館執行李，

準備明天離開英國了!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page