鮑魚鴨腳生菜

上星期五，

我同母親大人飲茶，

佢攞咗隻澳洲鮑魚俾我做手信。

(最近佢同姐姐一家和妹妹一家去咗澳洲玩)

母親大人仲裝咗好多鮑魚汁俾我，

用嚟炆鴨腳就最啱啦!

材料: 罐頭鮑魚1隻、鴨腳10隻、生菜1個、薑4片、紹酒少許、生粉水

調味: 罐頭鮑魚汁、蠔油1湯匙、豉油半湯匙、糖1茶匙、水1碗

做法: 鴨腳洗淨後，放入熱水鍋內加入2片薑和紹酒出水5分鐘，

沖洗後將鴨腳切半；鮑魚切片備用；


燒熱油鑊先煎2片薑，落鴨腳炒勻後，加入調味用慢火慢慢炆煮1小時，

落鮑魚煮至翻滾後熄火；將鴨腳和鮑魚片放入已灼好生菜面上，

開火煮熱炆鮑魚鴨腳汁，加入生粉水埋茨，淋在鮑魚鴨腳生菜面便成。

  

  

大家可以入嚟Facebook讚下我新開嘅Fans專頁呀!    雀后(添飯)Facebook Fan Page