2017年8月10日 星期四

冬瓜粒海鮮湯


唔知係咪小魔怪好耐冇飲過有肉嘅湯水呢???

今日我煮呢個冬瓜粒海鮮湯,

佢大讚超正,

仲飲咗兩大碗添呀!

亞仔,

我用咁多料嚟煮呢個海鮮湯,

肯定正啦!









材料: 冬瓜1斤半、冬菇8隻、雞扒1塊、瑤柱碎1湯匙、

急凍海鮮(蟹肉、蝦仁、魷魚、蜆肉)、薑片、清雞湯1公升

醃料: 豉油、糖、生粉、麻油各小許

做法: 冬瓜去皮切粒;冬菇浸軟去蒂切粒;

雞扒去皮切粒,落醃料醃15分鐘;

瑤柱浸軟備用;急凍海鮮解凍後,出水備用;

將1公升清雞湯和1碗水放入鍋內煲滾,

落冬菇、瑤柱碎、雞粒和薑片先滾15分鐘,

加入冬瓜粒煲多15分鐘,再落埋急凍海鮮煮至翻滾後便成。

 

大家可以入嚟Facebook讚下我新開嘅Fans專頁呀! 







8 則留言 :

  1. 咁多料,好鮮甜,我都要一碗吖 唔該

    回覆刪除
  2. 回覆
    1. 哈哈,果個海鮮湯超正啦!諗起都想食呀!

      刪除
  3. 近排天氣熱,想煲冬瓜湯飲,搵搵下搵到你喱個冬瓜海鮮湯, 一於照跟住煲, 多謝推介。 :)

    回覆刪除
    回覆
    1. 天氣咁熱,飲冬瓜湯就最啱,消暑呀!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!