蔥油手撕雞

今日小魔怪又WFH，

已經準備咗嘅雞胸又要留番今日做餸呀!

雞胸肉比較"鞋"，

所以加咗隻大雞髀落去整手撕雞，

咁撈埋一齊食就唔覺"鞋"啦!

材料:  雞髀1隻、雞胸5條、乾蔥頭1個(切片)、蔥粒、薑蓉

醃料: 鹽1.5茶匙(醃雞髀)、胡椒粉

調味: 蒸魚豉油1.5湯匙、糖半茶匙、麻油少許

做法: 雞髀解凍後用廚紙抹乾，係厚肉部份界幾刀，

落醃料搽勻雞髀醃半日(隔夜更入味)；

隔水蒸雞髀20分鐘後唔好開蓋焗多5分鐘，雞胸蒸10分鐘，待涼拆肉；

準備一大碗加入調味、乾蔥片、薑蓉和蔥粒，淋上滾油拌勻，

將醬汁淋在雞絲面便成。

大家可以入嚟Facebook讚下我新開嘅Fans專頁呀!

  

雀后(添飯)Facebook Fan Page