惹味蒜香骨

之前買咗幾件豬仔骨，

今朝攞出嚟解凍後醃佢大半日，

落油鑊炸到脆卜卜，

雖然好鬼熱氣，

但勝在好惹味，

正呀喂!

材料: 豬仔骨9件、蒜頭1個、即食炸蒜蓉、辣椒仔2隻、蕃薯粉適量

醃料: 鹽1.5茶匙、糖1茶匙、胡椒粉適量、紹酒少許、雞蛋1隻、蒜粉適量

做法: 豬仔骨解凍後切半，用廚紙索乾水份；

將蒜頭剁碎後，加入豬仔骨和醃料醃8小時或以上；

從雪櫃取出豬仔骨放室溫30~45分鐘，盡量抹去豬仔骨上蒜蓉，

撲上薄薄嘅蕃薯粉靜待5分鐘後，放入熱油鑊內炸至微金黃色後撈起；

再燒熱油後，落豬仔骨翻炸至金黃色後，撈起用廚紙索油；

燒熱鑊落油，加炸蒜蓉、蔥粒和辣椒仔炒香，落豬仔骨快手炒勻便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page