話說噚日整咗盒雞胸肉俾小魔怪帶返公司做午餐，
點知佢臨時決定WFH呀!
於是我拿拿臨攞隻雞髀出嚟解凍兼醃咗佢，
晚上再做一碟麻辣手撕雞；
今次份量超級足夠，
啖啖肉，
食得好爽呀!
材料: 雞髀1隻、雞胸5件、水果青瓜1條、薑蓉、蒜蓉、
鹽焗花生粒、炒香熟芝麻適量
醃料: 鹽1.5茶匙、紹酒半湯匙
調味: 蠔油大半湯匙、豉油1湯匙、麻辣油適量、糖1茶匙、
麻油少許、滾油少許
做法: 雞髀解凍後，用廚紙索乾水份，係厚肉部份界幾刀，落醃料醃半日；
青瓜切絲備用；取出大碗加入薑蓉、蒜蓉和調味攪勻備用；
從雪櫃取出雞髀放室溫1小時，放入熱水鑊內蒸25分鐘，待涼拆絲；
雞胸解凍後，放入熱水鑊內蒸10分鐘，取出待涼拆絲；
將雞絲、青瓜絲和調味攪勻上碟，灑上鹽焗花生粒和炒香熟芝麻便成。
~小魔怪鐘意帶雞胸肉返公司做午餐，唔需要有任何調味，
就咁蒸熟後拆絲放入餐盒內就得。
何止啖啖肉呀? D 花生都好似好多呀 ! 趙到牙較都軟呀~ hahaha ^_^
回覆刪除哈哈，我專揀花生嚟食呀!
刪除好好味
回覆刪除呢期小魔怪至愛，佢好鐘意麻辣餸架!
刪除自家煮最實際,大件夾抵食, 啖啖肉, 正!
回覆刪除自己煮，啱哂自己口味，而且經濟又實惠，平靚正呀!
刪除