今日炆咗碟豉汁涼瓜炆排骨，
買咗雷公鑿又名大釘嘅涼瓜，
有人話同呢個品種嘅涼瓜炒出嚟冇咁苦喎!
不過老公話所有涼瓜佢都鐘意食呀!
材料: 涼瓜1個、唐排$45、蒜蓉、豆豉粒、紹酒少許
醃料: 豉油1湯匙、鹽半茶匙、糖1茶匙、生粉1茶匙、麻油少許
調味: 蠔油1湯匙、豉油半湯匙、老抽1茶匙、鹽少許、糖1茶匙、1碗半水
做法: 一字排骨洗淨後用醃料醃1小時；涼瓜去囊後切片；
燒熱水落少許鹽，灼涼瓜1分鐘左右後撈起瀝乾水份；
燒熱油鑊落唐排略煎兩面後贊紹酒，加調味炆排骨30分鐘；
燒熱油鑊落蒜蓉豆豉粒爆香，落涼瓜快炒後，
落排骨(連炆排骨汁)煮至涼瓜熟，最後加少許生粉水埋芡汁便成。
那麼, 雀后...你鍾唔鍾意食苦瓜呢? LEE 味餸....如果撇除排骨, 我令可只食豆豉, 都唔食苦瓜. 我覺得但凡係餸菜, 如果D 味是甘甘地苦苦地, D 味好怪 ! *_* 但係, 我又飲苦茶喎!
回覆刪除以前唔食，依家食，苦瓜又名半生瓜，要有人生閱歷先識食架!哈哈!
刪除我暫時還未搵到涼瓜買。
回覆刪除可能係中超會搵到呀!
刪除