咸魚雞粒燴豆腐

今日買咗塊薄薄梅香咸魚，

煮咗呢碟咸魚雞粒燴豆腐，

又係一個添飯嘅餸嚟架!

不過我唔敢食太多飯，

食半碗飯過過口癮就夠，

食多幾條菜補數呀!

咸魚可以分4餐嚟食，

例如煮魚香茄子、咸魚雞粒炒飯、燴豆腐等等。

材料: 雞扒1塊、梅香咸魚1/4件、有機煎釀豆腐1盒、蒜蓉、乾蔥蓉、

麻油少許、蔥粒

醃料: 豉油半湯匙、鹽少許、糖1茶匙、生粉1茶匙、麻油少許、紹酒少許

調味: 蠔油1湯匙、老抽適量、糖1茶匙、水大半碗

做法: 雞扒去皮切粒，落醃料醃1小時；咸魚拆肉切粒；豆腐切粒；

燒熱鑊落油先爆雞粒後放鑊邊，落蒜蓉、乾蔥蓉和咸魚粒炒香，

之後與雞粒撈勻快炒至出香味，落調味煮至雞粒熟後，

加豆腐粒煮至翻滾後，加少許生粉水埋芡汁，最後灑上蔥粒便成。

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page