2022年6月5日 星期日

冬瓜粟米魚尾湯


今日滾咗呢個冬瓜粟米魚尾湯,

有我鐘意嘅冬瓜和粟米,

啖湯又奶白又鮮甜,

而老公和小魔怪就將成條魚尾食清哂,

一D都唔嘥呀!


材料: 冬瓜2斤、粟米1條、鯇魚尾$30、薑3片、蔥粒、

醃料: 鹽1茶匙、胡椒粉適量

調味: 鹽和胡椒粉適量

做法: 鯇魚尾洗淨後用廚紙索乾水份,落醃料醃1小時;

冬瓜去籽後切件;粟米去皮切件;

燒熱油鑊落薑片和鯇魚尾略煎兩面後,加入8碗熱水用大火煮滾,

落冬瓜和粟米滾15分鐘,按個人口味落鹽和胡椒粉調味後,

最後灑上蔥粒便成。


 



大家可以入嚟Facebook讚下我新開嘅Fans專頁呀! 



2 則留言 :

  1. 一鍋搞店, 唔使煮其他餸. 快. 靚. 正!

    回覆刪除
    回覆
    1. 有煮其他餸,不過我都係鐘意飲湯多D囉!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!