蕃茄洋蔥燴豬扒

今日又買咗幾塊新鮮又靚靚嘅飛排，

用嚟做豬扒就最啱啦!

考慮緊整洋蔥豬扒好定蕃茄豬扒好???

最後決定兩樣都整，

變成蕃茄洋蔥燴豬扒喇!

(以後唔好睇少豬扒喇，因為佢好貴架!)

材料: 飛排豬扒5塊、蕃茄4個、洋蔥1個、蒜蓉、生粉水

調味: 豉油1湯匙、糖1茶匙、生粉1茶匙、麻油少許

汁料: 蕃茄醬3湯匙、豉油半湯匙、糖3茶匙、鹽半茶匙、

1碗水(糖份量可以自行調節)

做法: 飛排豬扒洗淨後，用刀背輕輕剁豬扒兩面後切件，落醃料醃2小時；

蕃茄切件；洋蔥切絲；燒熱油鑊煎豬扒兩面9成熟後盛起；

落少許油鑊爆香蒜蓉、洋蔥和蕃茄炒勻，

落汁料煮滾後加入豬扒煮至汁濃，最後加少許生粉水埋獻汁便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page