2018年4月18日 星期三

豉汁涼瓜煮黑鯧魚


老公話要食涼瓜,

而小魔怪又話想食魚,

呢碟豉汁涼瓜煮黑鯧魚

咁就可以一次過滿足哂佢哋嘅口味啦!

黑鯧魚係天瑞街市買$4兩

呢度2塊都係$53,

又唔貴喎!







材料: 涼瓜1個、黑鯧魚2塊、蒜蓉、即食豆豉粒半湯匙、生粉水、薑3片

醃料: 鹽1茶匙、胡椒粉少許

調味: 蠔油1湯匙、豉油半湯匙、老抽1茶匙、鹽少許、糖1茶匙、1碗水

做法: 黑鯧魚洗淨後用廚紙索乾水份,落醃料醃1小時;


涼瓜去囊後切片,落少許鹽先醃涼瓜15分鐘後,

將涼瓜放入熱水灼1分鐘左右後撈起瀝乾水份;

燒熱油鑊落薑片煎香,落黑鯧魚先
煎好一面後反轉魚再煎另一面後盛起;

(一定要熱鑊滾油,咁就唔黐底啦!)

燒熱油鑊落蒜蓉豆豉爆香,落涼瓜快炒,

加調味炆至涼瓜軟身後,加少許生粉水埋茨汁,將涼瓜淋在黑鯧魚便成。





苦瓜的食療價值(網上資料)

~苦瓜氣味苦、無毒、性寒,入心、肝、脾、肺經;

~具有清熱祛暑、明目解毒、利尿涼血、解勞清心、益氣壯陽之功效;

~主治中暑、暑熱煩渴、暑癤、痱子過多、目赤腫痛、癰腫丹毒、燒燙傷、少尿等病症。

 


大家可以入嚟Facebook讚下我新開嘅Fans專頁呀! 


6 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!