素雜菜湯

大魔怪耳仔唔舒服，

噚日睇咗醫生，

醫生話佢"耳屎"塞耳，

俾咗樽olive oil佢滴耳軟化"耳屎"，

但滴耳後令佢更唔舒服，

仲開始頭暈暈添；

今日好想搵耳鼻喉科醫生睇下架，

點知原來天水圍和元朗區係冇耳鼻喉專科醫生，

最近要去屯門睇，

仲要等到明天先book到睇醫生，

大魔怪唯有捱多一日頭暈暈嘅日子了!

佢冇哂胃口食嘢，

唯有煲個素雜菜湯和買咗條法包俾佢，

等睇完醫生先去食好嘢啦!

P.S. 睇專科醫生原來都唔平，

睇醫生收$600，

洗耳每隻$700，

藥費另計，

佢唔暈我暈喇!@@"

材料: 蕃茄4個、薯仔2個、甘筍2條、椰菜半個、2片薑

做法: 將蕃茄洗淨切件；甘筍和薯仔去皮切粒；椰菜切片；

落少許油先炒香薑片和蕃茄後，加入薯仔、甘筍、椰菜和8碗熱水煮滾後，

轉小火慢慢煲1小時後加鹽調味便成。

~食時可加入胡椒粉和黑胡椒粒調味。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page