甜酸咕嚕肉!

 

都唔知點解大小魔怪咁鐘意食甜酸餸，

每次我煮親呢個咕嚕肉，

佢哋都會食唔停口，

好彩今餐我又煮多咗飯，

唔係又唔夠食囉!

 

材料: 梅頭豬扒4塊、三色椒半個、菠蘿片1罐、雞蛋2隻、甜酸醬1包

醃料: 豉油1.5湯匙、老抽少許、糖1茶匙、麻油和粟粉少許

調味: 甜酸醬1包、菠蘿水2湯匙和1茶匙粟粉

做法: 豬扒解凍後切條；用醃料醃1小時；將2隻雞蛋攪成蛋漿，

把豬扒放入蛋漿內，將沾有蛋漿嘅豬扒黏上粟粉落鑊炸至金黃色，

然後放上抹手紙上吸油，(臨食前必須翻炸豬扒一次，豬扒會更加脆口)

跟著用蒜蓉起鑊，落三色椒後加少許鹽快炒，

落少半碗水和調味焗三色椒1分鐘，最後加豬扒、菠蘿粒炒勻便成!

 

 

 

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page