跟教會去旅行~赤柱&大館

今日跟妹妹妹夫嘅教會去旅行，

但祈祈燒咗幾日，

所以佢哋3個睇完醫生後，

乖乖返屋企休息下囉!

雖然冇咗妹妹一家，

但都有母親大人和佢嘅好街坊，

姐姐、我和老公齊齊去玩架!

第一站去赤柱。 

太陽伯伯真係好勤力，

一D都唔偷懶，

曬到冇朋友呀!

襯未夠鐘去食午飯，

去麥記食杯雪糕先得!

午餐就去食圍餐。

食飽飽後，

我哋就去咗大館參觀喇!

大館~前身係中央舊警署、域多利監獄、舊裁判司署；

呢度大部份變咗商舖，

不過仲有好多值得參觀嘅地方~監獄，

本來我哋都想去犯人度高牆影下相架，

可惜當時外面落緊大雨，

周圍都好多人避緊雨，

搵唔到係邊度呀!

參觀完大館後，

我和老公冇跟大隊返觀塘，

自己搭車返屋企囉!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page