粟米汁豬扒

今次整呢碟粟米汁豬肉，

落咗蕃薯粉去炸豬扒；

豬扒香脆之外又好味道，

加埋個粟米汁，

用嚟撈飯就最正啦!

材料: 梅頭豬扒4塊、粟米蓉1罐、雞蛋1隻、蕃薯粉5湯匙

調味: 豉油1湯匙、鹽半茶匙、糖1茶匙、生粉1茶匙、麻油少許、雞蛋1隻

做法: 豬扒解凍後用刀背略略剁鬆後切件，用廚紙索乾水份後，落醃料醃1小時；

落蕃薯粉將豬扒撈勻，直至每塊豬扒沾上蕃薯粉；

燒熱油鑊時，煎豬扒半煎炸至兩面熟後盛起；

將粟米蓉倒入鍋內，加半罐水煮滾落少少鹽調味後，

落埋蛋液攪勻煮個粟米蛋花汁熄火，最後將粟米汁淋在豬扒面上便成。

~用剩嘅粟米汁，我當湯嚟飲咗囉!

  

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page