呢排豬肉價格太貴喇，
真係買唔落手囉!
唔食豬，
食雞都一樣啫!
雞髀、雞翼、雞胸，
任君選擇!
醃料: 鹽2.5茶匙(粗鹽)、蒜粉適量、雜香草適量、黑椒適量
做法: 雞洗淨後係雞背位用骹剪剪開，用廚紙索乾雞內外水份，
落醃料搽勻雞身醃8小時或醃隔夜；
從雪櫃取出雞放室溫1小時，焗時係雞身搽少許橄欖油(或牛油)，
預熱焗爐180度15分鐘，將雞放入烤盆內先焗雞背20分鐘，
反轉焗雞胸20分鐘，如雞身已經上色，可蓋上錫紙繼續焗至雞熟。
(由於各家用焗爐溫度不一，請自行調較!)
~蒜粉唔同蒜鹽，蒜粉有蒜香味，而蒜鹽就有埋蒜味和鹽味喇!
~冇蒜粉可以直接落蒜蓉一齊醃，不過焗時就要盡量去掉蒜蓉，
唔係隻雞嘅表面會好易燶架啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!