5月28日(星期二)
今日酒店自助早餐都幾豐富，
有我鐘意食嘅桂林米粉，
無論炒或放湯食我都啱呀!
坐船遊灕江都係自費活動之一，
一上船就推銷不同消費食品，
食飽早餐咩都食唔落啦!
船行駛期間可以上甲板影相，
船上有專人為大家拍攝象鼻山紀念相，
30蚊人民幣一張，
其實去每個景點都有呢類影相服務，
收費不一，
我哋都唔係張張買架，
影得靚先要呀!
遊完船河，
我哋去到侗情水莊，
體驗侗族文化和生活情況，
呢度出名係銀器，
銀梳、銀杯、銀手鐲，
價錢一D都唔平呀!
午餐食侗家風味餐，
味道一般啦!
食完午餐，
又要去做運動~行銀子岩!
呢個亦都係自費活動嚟架!
洞內遊人頗多兼地下又濕又滑，
慢慢行完全程約1.5小時左右啦!
估唔到我哋兩個人係最快行出嚟的，
有好多時間可以行下旁邊店舖，
仲買咗4隻蕉(6蚊人民幣)。
等齊人就去落陽朔食啤酒魚風味餐喇!
下午我買咗支大可樂請我哋自己圍嘅團友飲，
今餐其中一位團友又請番我哋呢圍嘅團友食雞，
隻燒雞29.8人民幣，
好好食呀!
晚上住陽朔新西街國際大酒店，
酒店有專車車我哋去有洋人街之稱嘅~西街，
呢度入夜開始好熱鬧架!
酒吧街、食店和手信舖開到滿街都係，
酒吧開著震耳欲聾嘅音樂，
窗前有好多cosplay美女跳舞，
唔講仲以為去咗泰國呀!
拿，
多人一定要小心扒手或小偷呀!
行咗個零鐘頭，
返酒店瞓覺囉，
一覺天光，
爽呀!
大家可以入嚟Facebook讚下我新開嘅Fans專頁呀!
呢D咪係好團友囉。大家要夾。
回覆刪除係呀，呢班團都唔錯，個個都幾準時架，除咗年紀大果幾位亞姨之外。
刪除