白菜素餃子

大魔怪8月中開始返工喇!

不過好多時放工返到嚟屋企都成8點幾，

由於佢唔係咁鐘意食米飯，

所以好多時我都會煲定素湯，

又或買定盒沙律菜、雞蛋或麵包煮俾佢食；

唔想佢餐餐都食得齋，

今日就包定D素餃子放係冰箱，

咁就隨時都可以煎俾佢食啦!

 

材料: 餃子皮1斤、大白菜、冬菇、甘筍、木耳、馬蹄、雞蛋、粉絲、薑蓉

調味: 素食蠔油2湯匙、豉油1湯匙、鹽1茶匙、糖1茶匙、麻油少許

做法: 冬菇、木耳和粉絲浸軟備用；馬蹄去皮切碎；冬菇切粒；粉絲切段；

木耳切碎；甘筍去皮刨絲；白菜切碎；將蛋快炒切碎備用；

燒熱油鑊先爆香薑蓉和冬菇粒，落甘筍、馬蹄、木耳炒香後，

加白菜、調味和3湯匙水炒勻，加蓋煮至汁濃後，

落埋雞蛋碎和粉絲炒勻後上碟，待餡料涼後就可以包餃子啦!

想煎到個餃子底有個網咁樣，咁就要燒熱易潔pan落油，

用放入餃子大火煎1分鐘，將1湯匙麵粉加大半碗水攪勻，

倒入易潔pan內加蓋焗6-8分鐘， 待水蒸發後，

就會出現呢個脆卜卜底o架!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page