滷豬手

好耐冇食過豬手，

响百佳超市肉檔買一隻新鮮豬手又唔貴喎!

肉檔靚姐計我$60隻，

滿$60仲有得平$6(即豬手$54隻)，

而且俾多舊肥肥哋嘅腩肉添!

今次自己整滷水汁，

用剩嘅汁可以留番下次用呀!

材料: 豬手1隻、腩肉手塊、雞蛋3隻、滷水包1個、薑3片、

老抽1湯匙、紹酒1湯匙、鹽少許、生粉水

調味: 豉油4湯匙、老抽2湯匙、紹酒2湯匙、冰糖適量

做法: 先燒熱水，加入豬手、腩肉、薑1片和紹酒1湯匙，出水10分鐘，

取出豬手和腩肉，沖洗後慢慢清除豬皮上豬毛，用老抽1湯匙搽勻豬皮；

凍水落雞蛋煲至蛋熟後去蛋殼備用；

燒熱水加入滷水包、薑2片和調味煮滾，加入豬手和腩肉煮至翻滾後，

轉小火慢慢炆2小時，加入雞蛋後熄火，慢慢浸蛋至上色；

飯前煮熱豬手，待涼少少後取出豬手、腩肉和雞蛋切件；

將部份滷水汁煮滾，落少許鹽和生粉水埋芡汁，將汁淋豬手面便成。

~按自己嘅喜好，加冰糖調味(我鐘意甜，所以加咗2大舊冰糖呀!)

~鹽要最後埋芡汁時先加，唔想個滷汁太咸呀!)

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page