一個人的晚餐~菜芯雞絲炒米粉

噚晚難得自己一個人係屋企，

簡單炒個米粉做晚餐，

煮完食埋都唔使半個鐘，

夠哂有效率呀!

材料: 天鵝牌米粉1個、雞扒1塊、菜芯6條、雞蛋1隻、蠔油1湯匙

醃料: 豉油半湯匙、鹽少許、糖半茶匙、生粉少許、麻油少許

做法: 雞塊去皮切絲，落醃料醃15分鐘；米粉用水浸軟，略剪碎米粉；

菜芯洗淨切菜；雞蛋落少許鹽發勻後，炒成滑蛋(即8成熟)盛起；

燒熱油鑊落先炒菜芯至熟後盛起；再落雞絲炒勻，落少許水煮熟雞絲後，

加入米粉、菜芯、蠔油和3湯匙水，煮至米粉軟身後，

最後落埋雞蛋炒勻上碟。

~按個人口味，可以辣椒醬伴食呀!

     

 大家可以入嚟Facebook讚下我新開嘅Fans專頁呀!

 雀后(添飯)Facebook Fan Page