金針雲耳蟲草花蒸雞

8月中開始，

大魔怪正式返工喇!

而近排小魔怪同女朋友仔去咗馬來西亞玩，

所以好多時都係得我哋2個公婆食飯咋!

咁今餐食咩餸???

就係佢~金針雲耳蟲草花蒸雞!

材料: 雞半隻、雲耳適量、金針適量、蟲草花適量、去核紅棗7粒、薑絲

醃料: 蠔油1湯匙、豉油1湯匙、鹽半茶匙、糖1茶匙、生粉1茶匙、麻油

做法 : 雲耳浸軟去蒂；金針浸軟去頭尾；紅棗略洗切半；

洗淨雞件後，加入金針、雲耳、紅棗、薑絲和醃料醃2小時；

用水輕輕沖洗蟲草花後舖在雞面上，燒熱水把雞放入鑊中大火蒸15分鐘，

唔好開蓋焗多5分鐘便成。

~記得係雪櫃攞碟出雞嚟後，要放室溫起碼30~45分鐘先好蒸呀!

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page