2017年5月23日 星期二

蜜味薯仔排骨粒


呢排成日食蒸排骨,

有D悶添!

所以今日就轉轉口味,

改食甜甜哋嘅蜜味排骨;

仲以為屋企有罐菠蘿,

點知原來冇,

唯有加個薯仔落去,

食落都唔錯架!












材料: 一字排骨$30、薯仔1個、1湯匙蜜糖、生粉2茶匙

醃料: 豉油半湯匙、鹽半茶匙、糖1茶匙、生粉1茶匙、麻油各少許

做法: 一字排骨洗淨後索乾水份,加入醃料醃1小時;


薯仔去皮後切粒,用水浸30分鐘,用廚紙抹乾水份(一定要好乾);

凍鍋落油加入薯仔炸至微微金黃色撈起用廚紙索油;

取出排骨隔去多餘汁料,落2茶匙生粉攪勻,放入熱油鑊中將排骨炸熟;

排骨炸熟後,加入薯仔粒再翻炸多一次至脆身後撈起;

燒熱鑊不用落油倒入排骨、薯仔粒和蜜糖快炒便可。

~按個人喜好可灑上炒香芝麻作裝飾都可以呀!


大家可以入嚟Facebook讚下我新開嘅Fans專頁呀!


12 則留言 :

  1. 回覆
    1. 我都想食菠蘿,可惜原來屋企冇呀!

      刪除
  2. 炸過香口真係好食d 喎! 如果係鳳梨更加正

    回覆刪除
  3. 整得好靚,睇見都想食呀!

    回覆刪除
  4. 好好吃的感覺。如果想加菠蘿和菜可以怎樣加和什麼時候加呢?謝謝!

    回覆刪除
    回覆
    1. 如果要加菠蘿,咁就要最後先落菠蘿炒勻就得。

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!