銀魚仔乾蒸肉餅

今日係雪櫃摷到包銀魚仔乾，

就咁蒸嚟食好似齋咗D(其實淋豉油熟油係好好味架)，

所以買咗少少豬肉一齊蒸嚟食，

呢個餸真係好送飯架!

(落燕麥片嚟蒸豬肉，肉餅會滑好多架!)

材料: 銀魚仔乾少許、豬肉碎$15、薑絲、燕麥片(麥皮)1湯匙

醃料: 豉油1湯匙、鹽半茶匙、糖1茶匙、麻油少許、水1湯匙

做法: 銀魚仔乾浸洗15分鐘；豬肉碎落醃料和麥片醃1小時；

將銀魚仔乾和薑絲舖在豬肉碎上，放入熱水鑊裡蒸18分鐘便成。

  

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page