酥炸蝦醬雞翼

由於過年期間日日都有雞食，

攪到老公對"雞"有少少抗拒呀!

經過半個月冷靜期後，

今日終於可能解禁啦!

材料: 雞翼12隻、蕃薯粉5湯匙

醃料: 蝦醬1湯匙、糖1茶匙、粟粉1茶匙

做法: 雞翼洗淨後，係雞翼背用刀界開少少肉(會入味D架)，

用廚紙抹乾水份，加醃料醃2小時左右；

燒熱煎pan加多少少油，將雞翼沾上蕃薯粉後靜待3分鐘，

"凳"出多餘的蕃薯粉，然後落pan煎至兩面金黃色，

用廚房紙索油後上碟便成。

~沾蕃薯粉後要靜待3分鐘，就係要等蕃薯粉吸收咗雞翼面上的水份，

咁雞翼就有酥脆嘅效果架啦!

~各款蝦醬咸度不一，份量可以略為加減呀!

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page