香炸江魚仔花生

小魔怪女朋友仔媽媽知道老公和我都鐘意食炸魚仔，

所以係馬來西亞市場買咗包江魚仔送俾我哋；

返到嚟緊係要即刻開工整嚟食啦!

炸江魚仔功夫比較多，

首先要逐條魚仔去魚頭和挑內臟，

然後洗乾淨用廚紙索乾水先落鑊炸，

最後炸到香香脆脆就可以撈起喇!

加埋我係惠州買嘅炸花生，

用嚟送粥送麵，

簡直一流呀!

~魚仔去頭去內臟後，炸出嚟嘅魚仔唔會有苦味；

~選江魚仔可以揀頭尾完整的，千祈唔好揀太細條，挑內臟會較難；

~炸江魚仔時會出好多氣泡，唔使驚，越炸得耐氣泡就越少，

咁代表好快就會炸好架啦!

~唔怕熱氣嘅話，可以再炸金黃香脆D架!

~炸多少少魚仔都唔怕，用密實樽裝起佢就得，可以存幾耐???

應該1~2星期都得架!但咁好食，邊可以捱好耐吖!

~花生可以自己炸又或買現成嘅花生加落去呀!

 

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page