2018馬來西亞輕輕鬆鬆之旅~第七、八日(完結篇)

7月23日(星期二)

今日要離開檳城返巴生了，

大約四小時左右車程，

唔講咁多，

緊係要先醫飽個肚先出發啦!

今次又係嚟景貴街，

2碟炒粿條、亞參咖沙、咖哩麵(超好食)，

未夠喉，

再叫多碗咖哩麵、珍多冰和炸雜錦。

再買埋少少手信就開始揸車返女朋友仔屋企喇!

天氣真係話變就變，

未離開檳城已經開始落雨，

去到檳城橋時，

雨大到睇唔到前面架車，

真係要好小心慢慢揸車先得囉!

好彩行咗冇耐，

天色開始光猛，

仲出太陽添呀!

由於之前落雨關係，

揸下停下休息下，

足足用咗5個幾鐘先返到巴生屋企；

晚上同埋女朋友仔媽媽一齊去食乾嘅肉骨茶，

第一次食乾肉骨茶，

落咗辣椒炒到好乾身，

夠哂惹味，

最最最鐘意食湯肉骨茶內嘅粉腸，

食到我呢佛唔到口呀!

呢餐好正啊!

7月25日(星期三)

今日我要自己離開馬來西亞喇!

小魔怪就繼續留係度玩到8月初先返。

早上就同女朋友仔家人一齊飲完早茶後，

佢兩個就送我出機場，

回程搭Air-asia，

前幾日已經上網check-in咗，

航空安排中間位俾我，

唔滿意唯有加錢換座位，

仲唔包行李添，

行李又要另外加錢買架!

自助出行李牌，

寄完行李就要同馬來西亞講聲拜拜啦!

 

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page