牛油蒜蓉雞翼

呢碟超級邪惡嘅牛油蒜蓉雞翼，

係唔可以成日整嚟食架!

因為會食到唔停得口，

越食越想食呀!

材料: 雞翼14隻、蒜蓉1湯匙、麵粉3~4湯匙、牛油適量、焗香芝麻適量

醃料: 豉油1湯匙、鹽半茶匙、糖1茶匙、生粉1茶匙、麻油少許、胡椒粉少許

做法: 雞翼解凍後用廚紙索乾水份，落醃料醃2小時或以上；

從雪櫃取出雞翼放室溫1小時，撲少少麵粉係雞翼面，

放入熱油中半煎炸到金黃或至雞翼熟後，撈起用廚紙索乾油份；

燒熱鑊落牛油煮溶後，加蒜蓉爆香至微微金黃色後，

落雞翼和牛油蒜蓉炒勻上碟，最後灑少少焗香芝麻粒便成。

~用半煎炸方式炸雞翼，油就可以唔使用太多喇；

~炒牛油蒜蓉時唔可以用太大火，因為牛油和蒜蓉好易燶架!

~將雞翼翻炸多一次，雞翼面會更加脆口架!

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page