今日整沙拉骨，
整就差不多用咗一個鐘，
但食就唔使10分鐘，
小魔怪食到lam lam脷，
仲話今次骨多過肉，
下次整想食多D肉喎!
材料: 金沙骨1.5磅、生粉4湯匙
醃料: 豉油1湯匙、老抽少許、鹽半茶匙、糖1茶匙、生粉1茶匙、麻油少許
沙拉汁: 沙律醬3湯匙、煉奶2茶匙、糖1.5茶匙、白醋1茶匙
做法: 金沙骨用醃料醃2小時或以上；沙拉汁混合攪勻備用；
燒熱油鑊將金沙骨沾有少許生粉以半煎炸至金黃及熟後，
用廚紙索油備用；燒熱鑊不需落油，將金沙骨落鑊後熄火，
落半份沙拉汁撈勻金沙骨，上碟後將其餘沙拉汁淋在排骨面便成。
~今次沙律醬用咗丘比沙律醬，味道偏甜，所以煉奶可以唔使咁多；
~我覺得唔夠酸，所以加咗少少醋落去呀!
~沙拉汁甜酸度可以自己自行調較呀!
大家可以入嚟Facebook讚下我新開嘅Fans專頁呀!
整得好靚。不過我怕英國的排骨會韌喎，嘥左我D心機。
回覆刪除下次我用飛排整，咁就唔會韌啦!
刪除