2018馬來西亞輕輕鬆鬆之旅~第六日

7月23日(星期一)

今朝起身出動已經中午了，

鬼C咁肚餓就去附近小印度搵食喇!

今餐食印度嘢，

辣辣哋，

又幾啱我喎!

叫咗2個素蕉葉飯、烤魚、印度咖哩雞、咖哩羊，

奶茶和青檸茶，

埋單都係$105左右，

抵食啦!

下面果張係我哋嘅停車票，

6蚊馬幣1張，

放係車頭位置，

咁就可以全日免費泊車喇!

咁緊係要泊係當地合法車位啦!

隨街亂泊就一定抄牌啦!

食飽冇耐小魔怪又話帶我去景貴街食珍多冰。

 呢度D珍多冰出哂名，

所以多人排隊嚟食呀!

我哋唔想企係街食，

就入舖頭內坐低慢慢嘆，

見佢哋嘅炒粿條好夠鑊氣，

唔抵得又叫咗一碟嚟食喇!

食飽又要搵地方行下喇!

我哋揸車嚟到呢度~極樂寺。

今日天氣都好熱，

起碼有成35度架!

食番支雪條和飲下嘢，

暑氣全消啦!

之後我哋揸咗一陣車就去到升旗山喇!

入場費每人30蚊馬幣(來回坐纜車)。

租咗架車(30蚊馬幣)車我哋周圍影下相，

司機沿途幫我哋影下相，

又介紹下呢度環境和建築，

但呢個司機係講馬拉話，

好彩小魔怪女朋友仔一路幫我哋做翻譯，

唔係就真係唔知佢講咩啦!

行下行下搵到有甜品食，

10蚊馬幣即$20蚊碗，

抵食啦!

坐纜車回程時，

俾個外國人霸到個頭位影纜車相，

佢個景係無敵靚影，

好得羡慕啊!

嚟呢度大伯公廟本來係睇日落和夜景，

夜晚呢度亮燈好靚架，

可惜我哋等咗1個鐘天都未黑，

仲要係到餵蚊，

即刻拿臨臨走人，

去夜市(Gurney Drive Penang)搵食好過啦!

食完咁多嘢小魔怪都話唔飽，

唯有轉場(浮羅池滑巴剎)再食過啦!

 

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page