光榮結業~天水圍新北江臺味冰點

記得新北江商場前身係八伯伴，

執咗之後商場大變身，

改裝拆細間咗好多間細舖頭，

依家變成一個平價購物天堂和食街。

呢間係新北江商場嘅臺味冰點，

開業已經有19年，

大小魔怪細細過放學經過，

都會要求嚟呢度食下午茶先返屋企，

佢哋嘅雞髀沙律好鬼正，

咖哩豬皮魚蛋魷魚超惹味架!

而我呢，

間中都會嚟呢度食個早餐先去買餸架!

聽講話大業主租咗俾銀龍做茶餐廳(唔知真定假)，

唉，

我哋又少咗一個選擇啦!

真係好唔捨得，

希望店主係新北江搵到新舖繼續做落去啦!

台式三拼(金沙骨、雞翼、豬扒)配肉燥飯

 雜扒飯(豬扒、雞扒、腸仔、雞翼)配肉燥飯