素咖哩配香蔥薄餅

大魔怪話想食薄餅，

配埋素咖哩食就最啱啦!

近日呢款香蔥薄餅係百佳做緊特價買1送1，

係時候要去入貸啦!

薑黃粉，

唔食都唔知咁有益，

佢有抗癌、改善高血壓、預防糖尿病、抗炎症、

預防心血管疾病、降膽固醇等等功效架!

素咖哩做法:

材料: 西蘭花1個、薯仔1個、甘筍1條、洋蔥半個、蘑菇200g、蒜蓉

醃料: 咖哩粉1.5湯匙、薑黃粉1茶匙

調味: 鹽1.5茶匙、糖3茶匙、水1.5碗

做法: 薯仔和甘筍去皮切粒；洋蔥切碎；西蘭花切件；

蘑菇用濕布抹乾淨表面切半；

燒熱鍋不需落油，加入蘑菇先炒至出菇水後，

落少許油、蒜蓉和洋蔥炒至洋蔥微微轉色，

加薯仔和甘筍快炒數十下，落咖哩粉和薑黃粉炒勻後，

落調味和水煮至薯仔淋身後，加埋西蘭花煮1分鐘左右，

最後落少連生粉水埋芡汁便成。

~今次唔記加椰汁落去，所以冇咁香濃，下次煮一定會記得架喇!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page