香煎雞翼(孜然味&紅辣椒味)

其實我鐘意食煎雞翼多D，

因為用煎嘅方法，

先可以令雞翼皮脆口但又唔油膩；

今次用咗呢個壓雞翼嘅做法，

等D雞翼皮貼落易潔鑊上，

咁雞翼會更快熟、乾身和香口喇!

兩款口味嘅雞翼，

孜然味和紅椒味(辣)，

緊有一種啱妳口味架!

材料: 雞翼8隻

醃料: 鹽1茶匙、豉油1茶匙

調味: 花椒粉、紅椒粉(辣味)、孜然粉

做法: 雞翼解凍後，用廚紙索抹乾水份，加醃料醃1小時；

用易潔鑊加1茶匙油燒熱，先放雞翼(皮向下)，

加重物(碟底較平再加1大碗水)壓在雞翼面煎2分鐘，

將雞翼反轉，加重物(碟底較平再加1大碗水)壓在雞翼面煎2分鐘，

打側雞翼煎雞翼兩側，重做以上動作，

慢慢煎多5~8分鐘至雞翼兩面金黃色，最後4隻雞翼灑上花椒粉和孜然粉，

另外4隻雞翼灑上紅椒粉便成。

~用重物壓雞翼係想等雞翼平均受熱，咁煎出嚟嘅雞翼會較香口；

~花椒粉和紅辣椒粉(辣味)係佳寶買，不過係各大超市和雜貨舖都有得賣架!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page