老火湯~蓮藕馬蹄綠豆排骨湯

冬天飲碗熱辣辣嘅老火湯，

真係爽爆啦!

今日就煲咗一大煲蓮藕馬蹄綠豆排骨湯，

煲咗3個鐘夠哂火喉，

正呀!

材料: 蓮藕2節、排骨頭$50、鱆魚1隻、綠豆半碗、馬蹄15粒、

瑤柱8粒、蜜棗4粒、果皮半個

做法: 排骨頭出水備用；果皮浸軟去囊備用；馬蹄去皮；

蓮藕去皮切件；鱆魚乾清洗後剪段；蜜棗和瑤柱略沖洗；

將12碗凍水和果皮放入鍋內煮滾，加埋其實材料煲3小時，

最後加鹽調味便成。

P.S.

~果皮一定要凍水落，唔係煲湯會有苦味；

~蓮藕和綠豆係絕配，一熱一涼，中和咗個湯冇咁燥熱架!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page