柱候蘿蔔牛腩金錢肚

今日整咗個好惹味嘅煲仔菜，

就係柱候蘿蔔牛腩金錢肚喇!

呢個餸我食得最多嘅唔係牛腩和金錢肚，

而係超甜多汁嘅蘿蔔呀!

材料: 牛肋條1.5磅、急凍金錢肚1磅、蘿蔔1條、薑6片、八角2粒、

香葉4片、熱水2.5碗、老抽適量、紹酒1湯匙

調味: 柱候醬2湯匙、蠔油1湯匙、豉油1湯匙、冰糖粒1.5湯匙

做法:將薑2片和1湯匙紹酒加入凍水內，

放入牛肋條和金錢肚煮滾出水8~10分鐘，

取出沖洗後，將牛肋條和金錢肚切件；蘿蔔去皮切件；

凍鍋落少許油爆香4片薑和柱候醬，加入牛肋條和金錢肚炒勻，

落調味、八角、香葉和熱水2.5碗，

煮滾後轉小火慢慢炆1小30分鐘後熄火(記得熄火後唔好開蓋)；

飯前煮滾牛腩金錢肚，加蘿蔔炆多45分鐘左右(全程滾後轉最小火繼續炆)，

最後加老抽調色便成。

~如果用普通煲炆嘅話，咁就要落多1~2碗水和炆耐少少啦!

~如果唔夠水嘅話，一定記得要加熱水；

~呢個餸炆定隔日食仲入味架!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page