雪菜肉絲炆米

今日買咗個超大椰菜，

都有成兩斤幾三斤架，

亞姨話呢款椰菜係鄉下先有，

爽甜又好食，

用佢嚟炒米粉就啱哂啦!

材料: 梅頭豬肉$25、即食雪菜1包、椰菜1/8個、甘筍半條、米粉2.5個

醃料: 豉油1湯匙、鹽半茶匙、糖1茶匙、生粉1茶匙、麻油少許

調味: 蠔油1湯匙、豉油1湯匙、糖半茶匙、鹽半茶匙、水半碗

做法: 豬肉切絲用醃料醃1小時；椰菜切絲備用；甘筍去皮切絲；

米粉用暖水浸軟隔去水份備用；雪菜略沖洗；

不需落油用白鑊炒乾雪菜，加半茶匙糖和麻油炒勻上碟；

落少許油爆香豬肉絲及加入雪菜快炒後，加4湯匙水煮至肉熟後上碟；

燒熱油鑊落椰菜和甘筍絲快炒，加入米粉炒勻後，

加雪菜肉絲和調味炒勻並炆至汁濃，最後加少許老抽調色便成。

~記得嘅話留起少少雪菜肉絲，放在碟面裝飾；

~我買孔雀牌米粉呀!

    

大家可以入嚟Facebook讚下我新開嘅Fans專頁呀!

雀后(添飯)Facebook Fan Page