屋企有樽普寧豆醬，
除咗用嚟伴食鹽焗烏頭外，
仲可以用嚟醃雞架!
材料: 雞半隻、薑7片、蔥5條、乾蔥頭2個、紹酒1湯匙
醃料: 普寧豆醬1湯匙
做法: 雞洗淨後用廚紙索乾水份，落醃料醃1小時或以上；
從雪櫃取出雞後要放室溫45分鐘左右，待雞身回暖；
將蔥切段，乾蔥頭切片和薑平舖在鍋內，放入雞蓋上鍋蓋，
用大火加熱3分鐘後，轉最小火煮12分鐘，最後5分鐘就落埋1湯匙紹酒，
全程煮雞20分鐘，熄火後唔好開蓋繼續焗多10分鐘左右，
取出雞待涼斬件，將鍋內豆醬汁隔去薑和蔥(記得留乾蔥片)，
煮滾汁後連乾蔥淋在雞旁邊伴食。
煮滾汁後連乾蔥淋在雞旁邊伴食。
~呢個餸我冇落水架，全靠薑、蔥、紹酒和雞出嘅水，真係好原汁原味架!
~提提大家，正宗普寧豆醬雞係有落埋芝麻醬醃的。
~今次買呢隻半邊雞係細size，如果雞大隻嘅話，普寧豆醬就要落多少少啦!
大家可以入嚟Facebook讚下我新開嘅Fans專頁呀!
碟雞好靚！睇見流口水添！
回覆刪除呢隻真係睇唔出係冰鮮雞嚟，食落肉質都唔錯架!
刪除呵~ 好想食啊
回覆刪除妳都整嚟食啦!
刪除請問使唔使加D水，才開大火煮3分鐘？
回覆刪除我冇加水呀，不過初初開大火時，我都幾驚會好快燶，所以間中都會郁下個煲，睇下有冇倒汗水趺番落個煲度呀!
刪除豆醬我由細到大都唔鐘意食架
回覆刪除因為呢款豆醬味道偏咸，唔係人人鐘意食架!
刪除