廚餘~茄子豆角炒雞粒

其實每次買菜時，

我都買預咗買好多，

但最後緊有買多咗用唔哂嘅時候呀!

今次雪櫃就有條幼身茄子和幾條青豆角，

於是加埋少少雞髀肉，

炒炒埋埋又一碟餸啦喂!

材料: 幼身茄子1條、豆角7~8條、雞髀肉適量

醃料: 豉油1茶匙、糖少許、麻油少許、生粉少許

調味: 蠔油1湯匙、鹽半茶匙、糖少許、水3湯匙

做法: 雞髀肉切粒，落醃料醃15分鐘；茄子切段；豆角切粒；

燒熱油鑊加雞粒快炒，加入茄子和豆角炒勻，落埋調味煮至汁濃便成。

由於小魔怪見亞哥話帶飯，

佢又話要帶埋一份喎!

大魔怪話逢星期二和四會帶飯，

其餘日子就輪到小魔怪啦!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page