椰汁芋頭仔炆雞翼

中秋節前後，

都會有呢款細細粒嘅芋頭賣，

我鐘意買嚟炆雞翼，

加埋我鐘意嘅椰汁，

個芋頭雞翼汁好香椰奶味，

用嚟撈汁送飯就最啱啦!

材料: 雞翼12隻、芋頭仔8個、椰汁1罐(細)、薑2片、鹽適量、蔥絲

醃料: 豉油1湯匙、鹽1半茶匙、糖1茶匙、生粉1茶匙、麻油少許

做法: 芋頭仔去皮切件；雞翼解凍後用廚紙抹乾水份，落醃料醃1小時；

落少許油先爆香薑片，落雞翼略煎兩面後，加入芋頭仔炒勻，

落1碗半水煮滾後轉細火炆20分鐘至芋頭腍後，

加入椰汁煮至翻滾，最後落鹽調味和灑上蔥絲便成。

(用玫瑰鍋、LC或Staub炆餸比較鎖水，如用其他煲炆的話，水份要落多少少啦!)

 
 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page