鮮豆漿雲吞雞

小魔怪話想食雲吞雞，

咁啱雪櫃有齊雲南火腿、無糖豆漿和急凍雲吞水餃，

我只係買半邊新鮮雞返嚟，

加埋幾棵靚白菜仔，

咁就整咗呢鍋鮮豆漿雲吞雞喇!

材料: 雞半隻、雲南火腿適量、急凍雲吞水餃16隻、白菜仔10棵、

薑4片、水4碗、無糖豆漿2碗

做法: 洗淨雞連薑2片放入熱水鑊內出水5分鐘後，沖水備用；

雲南火腿切片(約10片左右)；白菜仔浸洗；

燒熱4碗水，落雞、雲南火腿和薑2片先煮滾後，轉最小火慢慢滾1小時，

先裝起浮起嘅油，落無糖豆漿滾多15分鐘，隔去豆渣後落白菜仔煮熟；

用另一個小鍋將雲吞水餃灼熟，將雲吞水餃放入雞湯內煮至番滾便成。

~按個人口味加鹽調味，但我覺得呢個湯已經夠哂味道，所以冇落鹽呀!

~蔬菜方面，可揀娃娃菜、小棠菜和津白都可以呀!

~唔落無糖豆漿都可以，因為雲南火腿加雞煲嘅湯已經好好味架啦!

~今次懶冇自己包餃子。

     

 大家可以入嚟Facebook讚下我新開嘅Fans專頁呀!

 雀后(添飯)Facebook Fan Page