一個人的午餐~咸雞薑蓉撈麵

一個人的午餐，

呢個人唔係我，

而係小魔怪；

話說星期日我包緊素餃子時，

佢話想食肉，

好彩雪櫃有半邊咸雞，

簡簡單單煮咗呢碟咸雞薑蓉撈麵俾佢食喇!

小魔怪加咗少少麻辣醬和蒸魚豉油撈勻食，

一路食，

一路話超好食，

睇落佢都幾易滿足喎!

材料: 咸雞髀1隻、陽春麵條適量、薑蓉、蔥蓉、蔥絲

做法: 陽春麵條按包裝上指示，放入熱水中煮熟後撈起上碟；

舖上咸雞髀，加埋薑蔥蓉和蔥絲伴碟便成。

~咸雞做法: 將1湯匙鹽搽勻雞全身，放入熱水鑊蒸25分鐘，

熄火後焗多5分鐘，待涼斬件；

~薑蓉、蔥蓉和少許鹽放入碗中，贊上滾油撈勻便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page