2017年4月17日 星期一

柱候牛筋腩牛肚炆蘿蔔


好耐冇炆過牛腩嚟食,

所以今朝一早炆定一大煲牛筋腩牛肚,

最緊要就係加埋個蘿蔔落去,

咁呢個餸用嚟送飯送麵都得啦!











材料: 牛肋條2磅、急凍金錢肚1磅、急凍熟牛筋1磅、蘿蔔1條、薑6片、

紹酒1湯匙、熱水3碗、老抽1湯匙、冰糖1湯匙

調味: 柱候醬1.5湯匙、磨豉醬1湯匙、豆瓣醬1湯匙

做法:燒熱水放2片薑和1湯匙紹酒,加入牛肋條和金錢肚出水10分鐘,

取出沖洗後,牛肋條切件,金錢肚切條;熟牛筋切件;蘿蔔去皮切件;

凍鍋落油,落4薑片和調味先爆香,

加入牛肋條和金錢肚炒勻和贊少許紹酒,

加3碗水煮滾後轉小火慢慢炆1小時後,

落熟牛筋炆多30分鐘後熄火(唔好開蓋繼續焗下佢),

食前開火煮滾牛筋腩後加蘿蔔炆多30分鐘左右便成。(全程滾後轉最小火繼續炆)

(按個人喜好,可略加豉油調味)

(如果用普通煲炆嘅話,要落多1~2碗水和炆耐少少啦!)

(熟牛筋係凍肉舖買架!)

(呢煲牛筋腩牛肚食唔哂嘅話,留番聽日食仲入味呀!)



 
  
大家可以入嚟Facebook讚下我新開嘅Fans專頁呀! 
  




8 則留言 :

  1. 咁靚牛筋腩牛肚,我來享受(眼睛)先!

    回覆刪除
  2. 英國的牛內臟同香港唔同。牛肚牛筋要煮好耐,起碼一小時。

    回覆刪除
    回覆
    1. 我買熟牛筋,已經處理過,所以炆起嚟快腍好多架!

      刪除
  3. 超級正啊!我鍾意牛筋多D

    回覆刪除

如果大家覺得我煮嘅餸菜啱哂口味嘅話,不妨留個言,鼓勵下我啦!