2017年4月20日 星期四

XO醬節瓜蝦米粉絲炒肉碎


噚日買咗3個節瓜,

2個用咗嚟煲湯,

剩番1個節瓜做咩餸好???

諗諗下加D粉絲、蝦米和肉碎,

快快手炒埋一碟,

又就可以攪掂一個餸啦!



材料: 節瓜1個、豬肉碎$10、蝦米2湯匙、粉絲1包、蒜蓉、XO醬適量

醃料: 豉油半湯匙、糖半茶匙、生粉半茶匙、水半湯匙、麻油少許

調味: 蠔油1湯匙、豉油半湯匙、鹽少許、糖1茶匙、生粉1茶匙、6湯匙水

做法: 豬肉碎落醃料醃30分鐘;節瓜去皮切條;

蝦米浸軟瀝乾水份;粉絲浸軟後剪數段;

燒熱油鑊落蒜蓉、蝦米爆香,加入肉碎炒勻後,

落節瓜和調味煮至瓜腍後,加入粉絲煮至軟身,

最後落埋XO醬炒勻後上碟。


 


大家可以入嚟Facebook讚下我新開嘅Fans專頁呀! 






7 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!