2017年4月14日 星期五

粟米燴豬扒


粟米燴豬扒,

一個好送飯嘅餸菜之一;

炸到豬扒香香脆,

配埋個滑溜溜嘅粟米汁,

呢餐肯定要添飯啦!









材料: 梅頭豬扒4塊、粟米蓉1罐、雞蛋2隻、蕃薯粉適量

調味: 豉油1湯匙、鹽半茶匙、糖1茶匙、生粉1茶匙、麻油少許

做法: 梅頭豬扒解凍後,用刀背略略剁鬆豬扒兩面切件,落醃料醃1小時;

豬扒順序先沾上蛋液後沾上蕃薯粉,放入油鑊半煎炸豬扒兩面至熟後盛起;

將粟米蓉1罐加半罐水煮滾,加鹽調味後熄火,

加入蛋液攪勻煮個粟米蛋花汁,將粟米汁淋在豬扒面便成。

~多餘嘅粟米汁可以當湯飲架!



  
  

大家可以入嚟Facebook讚下我新開嘅Fans專頁呀! 





4 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!