南乳蓮藕豆腐卜炆腩排

今次買呢兩節蓮藕，

一節起絲，

一節爽脆，

真係好難得架!

呢個餸豆腐卜最好食，

因為索哂D南乳汁，

送飯一流呀!

大雜燴

今日煮大雜燴，

有韭菜木耳豬肉餃子、豬肉片、牛丸、墨魚丸、龍蝦丸、

芝士腸和生菜，

加半盒清雞湯，

煮起一大鍋，

正呀喂!

返惠州，輕鬆下

10月29日(星期日)，

我和老公兩個人返咗惠州輕鬆下，

休休閒閒hea幾日，

羅湖坐完大巴返惠州車站後，

就call滴滴車返新屋，

俾我call到架Tesla新車，

坐得特別舒服，

真係好好彩。

又係養生壺~蟲草花淮山湯

正所謂新屎坑三日香，

今日係用養生壺第三日，

用埋呢次係時候要停一停喇!

今日煲蟲草花淮山湯，

配瘦肉、圓肉、紅棗和杞子；

老公話呢個養生壺真係好有用，

以後每週煲一次呢個份量嘅湯水俾佢飲喎!

蟲草花淮山湯，

有潤肺補腎護肝，

抗氧化抗衰老和降血壓等功效。

養生壺煲粥~皮蛋肉碎粥

今日又試下用養生壺啦!

今次用佢嚟煲粥，

用嘅係冷飯，

落咗豬肉碎和皮蛋一齊煲；

全程原先要煲78分鐘，

但煲到50分鐘左右，

個粥已經好綿架啦!

呢次落咗5碗水去煲粥，

老公和我每人食咗2碗幾粥，

飽飽囉!

新玩具～養生壺~雪梨乾麥冬湯

 

新玩具～養生壺，

今日就用佢煲緊雪梨乾麥冬湯，

材料有雪梨乾、麥冬、淮山、南北杏、瘦肉和杞子，

呢個湯水有潤肺生津、化痰、止喉嚨痕癢等功效，

宜秋冬天氣飲用架！

揀選功能7~火力200~全程75分鐘。

咖哩蘿蔔牛筋腩

噚日半條蘿蔔煮咗蘿蔔魚鬆，

今次就用另外果半條炆牛筋腩，

用咗咖哩魚蛋醬，

少少辣，

都幾好味道架!

蘿蔔炒魚鬆

蘿蔔炒魚鬆，

係一個由細食到大嘅餸菜，

今日我用咗半條蘿蔔嚟煮魚鬆(魚肉)，

呢排D蘿蔔真係又甜又大條，

煮起一大碟，

好送飯呀!

家常便飯

噚日拜山有隻雞，

所以晚餐就好簡單喇!

薑蔥炒雞、梅菜豬肉、蝦醬蝦仁帆立貝炒西蘭花，

仲有西洋菜咸鴨腎豬腱湯，

全部餸菜都好送飯架!

元朗蓬萊咖哩屋

今朝，

老公、小魔怪、大魔怪和女朋友仔4個人，

去元朗舊屋後山拜山，

我冇去，

因為山路太斜，

我跌過一次怕怕了。

不過之後我都有落元朗同佢哋食午餐。

我哋選擇去蓬萊咖哩屋食印度菜，

我哋4個人(小魔怪下午有約)，

叫咗個3人套餐，

再另加一碟芝士nan，

呢餐食咗$558，

仲送咗張85折咭俾我哋!

味道完全冇變，

一樣咁好味呀!