天氣熱，
又係食涼拌菜嘅時候喇!
今日準備整涼拌青瓜雲耳，
爽爽脆脆，
真係會食唔停口架!
材料: 青瓜2條、雲耳適量、蒜蓉適量、芫茜適量
調味: 蒸魚豉油1.5湯匙、鎮江醋大半湯匙、辣豆瓣醬1茶匙、
糖1茶匙、麻油少許(味道可自行調配)
做法: 青瓜放入雪櫃雪半日，取出切去頭尾後，刨去部份青瓜皮，
用刀背拍扁青瓜，將大件嘅青瓜切成條，加鹽1茶匙醃15分鐘，
加少少凍滾水沖去鹽份，和隔去多餘水份；
雲耳浸軟剪去硬蒂，放入熱水內1分鐘後撈起，沖沖凍滾水備用；
把青瓜和雲耳放入大碗內，落蒜蓉和調味放入大碗內拌勻，
放入雪櫃雪1小時，最後加入芫茜拌勻便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!