今日細仔WFH，
佢話唔想食飯，
咁食意粉就至啱佢喇!
今日整咗黑椒牛肉意粉，
配西蘭花苗和甘筍絲，
有菜又有肉，
都唔錯架!
材料: 牛仔肉、意粉、西蘭花苗、甘筍絲、蒜蓉、黑椒碎
醃料: 蠔油半湯匙、豉油半湯匙、鹽少許、糖1茶匙、
老抽少許、生粉1茶匙、麻油少許、油少許
調味: 蠔油半湯匙、老抽半湯匙、鹽少許、糖1茶匙
做法: 牛仔肉解凍後切片，用廚紙索乾水份後，落醃料醃30分鐘；
意粉放入熱水內加鹽煮至淋身後，隔去水份備用(留少少煮意粉水)；
燒熱油鑊落牛肉和黑椒碎炒勻，炒至牛肉8成熟後盛起備用；
燒熱油鑊落蒜蓉、西蘭花苗和甘筍絲炒勻後，加入意粉拌勻後，
落調味和少少煮意粉水煮至西蘭花和甘筍絲熟後，
加入牛肉快炒至乾身，最後灑上黑椒碎炒勻便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!