今日黃氏又有聚會喇!
我簡單整咗盒涼拌沙薑豬腳過去一齊食，
買咗2隻豬腳$64，
又唔貴喎，
整起有一大盒，
應該夠食掛!
材料: 豬腳2隻、薑8片、紹酒2湯匙、冰水或冰粒、芫茜5棵(切碎)
調味: 鹽3茶匙、冰糖適量、香葉3片
沙薑醃料: 鮮沙薑3大粒(切碎)、乾蔥頭1粒(切碎)、
蒜蓉2湯匙、豉油2湯匙、糖1茶匙、蠔油1湯匙、
麻油適量、豬腳湯1大湯匙
做法: 豬腳洗淨後，放入鍋內加水、薑4片和紹酒出水10分鐘，
倒出豬腳洗淨後，再放入鍋內加水、薑4片和調味煮45分鐘；
將沙薑料準備好後，贊上滾油撈勻備用；
撈起豬腳浸冰水或冰粒15分鐘後，放入盒內，
拌上沙薑料和芫茜後，放入雪櫃雪凍便可以食架啦!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!