今日小暑，
除咗煲咗冬瓜湯外，
我仲有煮咗碟豉汁涼瓜炆腩排嚟食，
涼瓜有清熱降火、降血糖等功效架!
材料: 涼瓜(雷公鑿)1個、腩排$30、蒜蓉、豆豉粒
醃料: 豉油1湯匙、鹽半茶匙、糖1茶匙、生粉1茶匙、麻油少許
調味: 蠔油1湯匙、老抽1茶匙、糖1茶匙
做法: 腩排洗淨後落醃料醃30分鐘；涼瓜去囊後切片，
落鹽1茶匙醃涼瓜15分鐘，待涼瓜出水後沖水後隔去水份；
燒熱油鑊落腩排略煎兩面後，加入調味和適量水炆腩排30分鐘；
燒熱油鑊落蒜蓉豆豉粒爆香，落涼瓜快炒後，
加腩排(連炆排骨汁)煮至涼瓜熟，最後加少許生粉水埋芡汁便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!